My Bread Office: 大魔怪學校家長日

自問性格內向，很怕出席家長會、陸運會...等等呢要 social 嘅活動。因為同其他家長唔熟絡而且話題唔啱，所以可以避得就避免＞＜今日係大魔怪二年級第一次嘅家長會，幾唔願意都要出席，點都要見吓今年嘅老師，同埋知道吓大魔怪跟唔跟到學校嘅進度先得。

同兩位班主任傾過，佢哋分別教大魔怪中文同英文，知道大魔怪上堂都留心同成績算好，中文老師仲讚大魔怪啲字寫得唔錯。就連我最擔心嘅普通話，老師都話普通話唔係大魔怪嘅母語嚟講佢算講得好好，但係就話大魔怪會九唔搭八上上吓堂嘅時候去同老師講自己屋企嘅嘢〜〜哈哈

今日家長會時間唔多，只可以英文老師和數學老師講到幾句，英文老師話大魔怪英文好好，比起同班小朋友好，可以整句句子啱晒文法咁樣講到。數學老師都話佢能力超越晒依家教緊嘅嘢，學校教緊個位乘數，但大魔怪已經識計兩位乘數。