韓式餐肉泡菜炒飯

一向喜歡吃炒飯，因為香口而且甚麼也可以用來作炒飯材料，就算只用雞蛋也非常美味 ^_^

一向亦喜歡吃泡菜，喜歡它辣辣的非常醒胃，在韓國吃烤肉就一定要店子添食。一直都以為泡菜屬於前菜應該是凍食的，但原來熱食更加美味，事原有一次在韓國烤肉店，見到個姐姐將泡菜放在燒烤盤上，當時我覺得很奇怪，我又有樣學樣試試，奇怪的事情就這樣發生了，好好味呀~~ XD 熱熱的泡菜比起凍冰冰的泡菜味道更濃郁，更合我口味呀！

今日打開雪櫃，發覺雪櫃有前一日餘下的韓國午餐肉以及小量泡菜，就二話不說炒個泡菜炒飯 ^^

椒鹽雞軟骨

雞軟骨~~好鍾意食，不過外出食唔太化算，少少嘅份量已經要四十大洋，所以今日自己動手整，一包都只係二十大洋仲要夠晒份量呀 :-)

材料：
雞軟骨一包
鹽適量
胡椒適量

做法：
1）將雞軟骨溶雪後洗淨，用廚房紙抹乾水份。
2）以250度預熱焗爐。
3）放入焗爐焗8-10分鐘，假若唔夠脆可再焗多3-5分鐘。
4）出爐後，灑上鹽及胡椒。